3 январь куни “Газпром” Хитойга кунлик газ етказиб бериш бўйича янги тарихий рекорд ўрнатди. Бу ҳақда холдинг матбуот хизмати ўзининг Telegram каналида маълум қилди.
“Россия газини “Сибир қудрати” газ қувури орқали етказиб бериш компаниянинг кунлик шартнома мажбуриятларидан яна ошиб кетди”, — дейилади хабарда.
“Сибир қудрати“ орқали етказиб бериш “Газпром” ва Хитойнинг CNPC компанияси ўртасидаги икки томонлама узоқ муддатли газ олди-сотди шартномаси асосида амалга оширилади.
Хабар қилинишича, 2024 йил учун 30 миллиард куб метрлик шартнома ҳажми мавжуд. 2023 йилда етказиб берилган газ миқдори 22 миллиард куб метрни ташкил қилган. Бу “Газпром”нинг шартнома мажбуриятларидан 700 миллион куб метрга кўп. Шунингдек, 2022 йилга нисбатан бир ярим баравар кўп (15,4 миллиард куб метр).
2025 йилда “Сибир қудрати” газ қувури тўлиқ экспорт қувватига — йилига 38 миллиард куб метр газ етказиб беришга етиши кутилмоқда.
Изоҳ (0)