Germaniya konstitutsion sudi milliarder Alisher Usmonovning o‘z yaxtasidagi tintuvlarga qarshi bergan da’vo arizasini qabul qilmadi. Bu haqda sud qaroriga tayanib, “TASS” xabar berdi.
-BM9j0sDo.jpg)
Sud milliarderning shikoyatini ko‘rib chiqish uchun rasmiy asoslar yetarli emas deb topgan.
“E’lon qilingan qarorga ko‘ra, Federal konstitutsiyaviy sud Senatining ikkinchi palatasi O‘zbekiston va Rossiya fuqarosi bo‘lgan arizachining yaxtasi tintuv qilinishiga e’tiroz bildirgan shikoyatni ko‘rib chiqish uchun qabul qilmadi”, — deyiladi sud qarorida.
Alisher Usmonov tintuvlarni, shuningdek, jarayonni Germaniya OAVlarida yoritilishini inson “fundamental huquqlarining buzilishi” deb topgan.
“Arizachi protsessdagi vaziyatni konstitutsiyaviy sud tekshirishi mumkin bo‘lgan tarzda taqdim etishi kerak”, — deyiladi qarorda.
Ta’kidlanishicha, sud 14-noyabrdayoq formal asoslar yetarli emas, deb qaror chiqargan. Biroq qaror bugun e’lon qilingan. Germaniya konstitutsiyaviy huquqiga ixtisoslashgan va O‘zbekiston manfaatlarini ifodalovchi Gauweiler & Sauter advokatlik firmasi o‘z navbatida sud qarorini hurmat qilishini, lekin bundan afsusda ekanini bildirgan.
“Federal Konstitutsiyaviy sud konstitutsiyaviy shikoyatni faqat protsessual sabablarga ko‘ra rad etdi”, — dedi advokatlar bayonotida.
Sud boshqa muhim savollarga “javob berishdan qochgani” ta’kidlanadi. Xususan, Yevropa Ittifoqining sanksiyalar ro‘yxatiga Rossiyaning “siyosiy qarorlari uchun javobgar bo‘lmagan” shaxsning kiritilishi asosiy huquqlarga zid yoki yo‘qligiga javob berilmagan.
12-avgust kuni Usmonov Konstitutsiyaviy sudga da’vo arizasi bilan murojaat qilgandi. Chunki milliarder avvalroq Bremen portidagi Dilbar yaxtasida o‘tkazilgan tintuvlar uning mol-mulk daxlsizligiga bo‘lgan huquqining buzilishi deb hisoblagan.
2022-yil 28-fevralda Yeveropa Ittifoqi Kengashi Usmonovni boshqa tadbirkorlar, amaldorlar va madaniyat arboblari qatorida, Bryusselga ko‘ra, Ukraina suvereniteti va hududiy yaxlitligini buzishga hissa qo‘shgan shaxslar qora ro‘yxatiga kiritdi. Ularning barchasiga Yevropa Ittifoqiga kirish taqiqlangan, aktivlari esa muzlatilgan.
Izoh (0)