Илон Маскка тегишли ракета ва сунъий йўлдошлар ишлаб чиқарувчи SpaceX компаниянинг саккиз нафар ходими миллиардерни танқид қилганидан сўнг ишдан бўшатилди. Бу ҳақда Тhе Guardian хабар берди.
АҚШ меҳнат агентлиги саккиз нафар ходим SpaceX асосчисини “шармандалик ва чалғитувчи фактор” деб ёзган мактубини тарқатгани учун ноқонуний равишда ишдан бўшатилганини билдирди.
“2022 йил июнь ойида SpaceX раҳбарларига юборилган мактуб Маскнинг 2020 йилдан бери ёзган бир қатор твитларига қаратилган бўлиб, уларнинг аксарияти жинсий хусусиятга эга. Ходимлар Маскнинг сўзлари компания сиёсатига тўғри келмаслигини айтган ва SpaceX’ни уларни қоралашга чақирган”.
Ходимлар мактуб юзасидан ишчиларга босим ўтказиб, сўроқ ўтказаётган концерн раҳбариятидан ҳам шикоят қилган. Мурожаатчиларга ҳақорат ва ишдан бўшатиш билан таҳдид қилишган.
“SpaceX токсик маданиятга эга бўлиб, айниқса аёлларга нисбатан таъқибларга тоқатли. Биз раҳбариятга очиқ мактубни ёмон ниятда эмас, балки миссия ва атрофимиздаги одамлар ҳақида қайғурганимиз учун ёздик”, — дейди ишдан бўшатилган ходимлардан бири Дебора Лоуренс.
Энди SpaceX ишдан бўшатилган ходимлари билан келишувга эриша олмаса, маъмурий суд ишни 5 март куни кўриб чиқади. Агар SpaceX қонунни бузганлиги аниқланса, келгусида уни янада қаттиқроқ жазо кутмоқда. Ишдан бўшатиш меҳнат қонунчилигини бузгани аниқлаганида, компания ходимлар ишини қайта тиклаши ва иш ҳақини қайтариши мумкин.
Изоҳ (0)