Финляндияда совуқ ҳаво бўйича рекорд ўрнатилди. Мамлакат метеорология институти хабар беришича, Лапландиянинг Энонтекиё шаҳрида 42,5 даража совуқ ҳаво ҳарорати қайд этилган.
Синоптикларнинг маълумотларига кўра, бу ҳарорат қишнинг энг паст ҳарорати ҳисобланади. 2000 йилларда Финляндияда ҳаво ҳарорати атиги уч марта минус 42 даражадан паст бўлган: 2001 йил февралда Пияжарвида (минус 42,5 даража), 2006 йил январда Киттилада (минус 43,6 даража) ва 2012 йил февралда Инарида (минус 42,7 даража).
Аввалроқ Финляндияда қаттиқ совуқ туфайли поездлар қатнови жадвали бузилган эди. Кечикишлар 15 дақиқадан 45 дақиқагача узайган.
Кеча 3 январь куни “Европа шаҳарларидаги ҳаёт сифати 2023” ҳисоботига кўра, Финляндиянинг пойтахти Хелсинки шаҳри 2024 йилда кўчиб бориш учун энг яхши Европа шаҳарлари сафидан жой олгани хабар қилинганди.
Изоҳ (0)