Давлат активларини бошқариш агентлиги “Риэлторлик фаолияти тўғрисида”ги қонуннинг янги таҳрири лойиҳасини муҳокамага қўйди.
Қонун лойиҳаси тузилмаси 7 боб ва 45 моддадан (амалдагиси 6 та боб 28 та модда) иборат. Қонун лойиҳаси эскирган ва ҳаволаки нормалар қайта кўриб чиқишга, қуйидаги вазифаларни амалга ошириш назарда тутилган тўғридан тўғри амал қиладиган янги нормаларни жорий қилишга йўналтирилган:
- риэлторлик фаолиятини тартибга солиш шакли сифатида лицензиялашни бекор қилиш ва баъзи функцияларни ўзини ўзи бошқариш жамоат ташкилотларига босқичма-босқич ўтказиш;
- риэлторлик фаолияти соҳасидаги ваколатли давлат органи ва риэлтор фаолияти соҳасидаги профессионал жамоат ташкилотлари билан биргаликда, молия-хўжалик фаолиятига аралашмаган ҳолда, риэлторлик ташкилотлари иши сифатини ташқи назорати текширувидан ўтказиш;
- манфаатлар тўқнашувининг олдини олишга йўналтирилган, риэлторлар профессионал фаолиятининг ахлоқий қоидаларига риоя қилиш;
- барча иштирокчилар ўртасида жиноий схемаларга қарши курашиш ва уларни йўқ қилиш ҳамда молиявий интизомни мустаҳкамлаш механизмларини яратиш;
- кўчмас мулк бозорининг барча иштирокчиларининг мулк ҳуқуқларини ҳимоя қилиш механизмларини яратиш;
- риэлторлик фаолиятини тартибга соладиган нормаларни битта норматив-ҳуқуқий ҳужжатда унификация қилиш ва тизимлаштириш.
Хусусан, лойиҳанинг 27-моддасида қуйидагича норма таклиф қилинмоқда:
“Жисмоний ёки юридик шахсларнинг кўчмас мулк объектларини реклама қилиш ва эълонлари, шу жумладан бутунжаҳон ахборот тармоғи интернетда ёки ижтимоий тармоқлар саҳифаларида жойлаштириладиганлари, кўчмас мулк мулкдорлари томонидан фақат риэлторлик ташкилотлари ва кўчмас мулк бўйича агентлар орқали бепул амалга оширилади”.
Ҳужжатда қайд этилишича, бугунги кунда Республикада иккита риэлторлик фаолияти соҳасидаги профессионал жамоат бирлашмалари Риэлторлик ташкилотлари ассоциацияси ва Ўзбекистон риэлторлар гилдияси (ихтиёрий аъзолик асосида ташкил қилинган нодавлат нотижорат ташкилот), шунингдек 586 нафар жисмоний шахсларга тегишли риэлторнинг малака сертификатлари амал қилади ва 285 та риэлторлик ташкилотлари фаолият кўрсатмоқда.
Ушбу 285 та риэлторлик ташкилотлардан 209 таси бўйича тўлиқ маълумот йўқлиги, риэлторларни “соядан” чиқишини рағбатлантириш учун шарт-шароитлар йўқлиги сабабли амалиётда тушунмовчиликлар келиб чиқмоқда. Шунингдек, ваколатли давлат органига ва профессионал жамоат бирлашмаларига тегишли маълумотларни тақдим этилмаслиги учун жавобгарлик белгиланмагани, ҳавола қилувчи нормалар мавжудлиги сабабли, амалиётда тушунмовчиликлар келиб чиқмоқда.
Юқоридагилардан келиб чиқиб, риэлторлик фаолиятини янада ривожлантириш, риэлторлик хизматларининг профессионал даражаси ва сифатини ошириш, риэлторлик ташкилотлари фаолиятини тартибга солишнинг самарали усулларини жорий этиш, риэлтор ташкилотлар ва риэлторлар ягона реестрини яратиш шунингдек, риэлторлик соҳасида ўзини ўзи бошқариш механизимини жорий этиш мақсадида “Риэлторлик фаолияти тўғрисида”ги қонун янги таҳрирда чиқариш зарурати юзага келди.
Изоҳ (0)