Ғазо секторида ҲАМАС ва Исроил ўртасида уруш бошланганидан буён 103 нафар журналист ҳалок бўлди, деб хабар бермоқда Al Jazeera анклав ҳукуматига таяниб.
Шу билан бирга, Журналистларни ҳимоя қилиш қўмитасининг (CPJ) 23 декабрдаги маълумотларига кўра, жангларда 69 нафар журналист ва ОАВ ходимлари ҳалок бўлган, улардан 62 нафари фаластинлик, тўрт нафари исроиллик, қолган уч нафари ливанлик эди.
5 декабрь куни қўмита 63 нафар журналистнинг ўлими ҳақида хабар берган.
16 декабрь куни Al-Jazeera телеканали Ғазо секторидаги мактаб биносига Исроил ҳужуми чоғида ўз ходими ҳалок бўлгани ҳақида хабар берди. Телеканал маълумотларига кўра, оператор Самер Абудакий ва мухбир Ваэль Дадуҳ репортаж тасвирга олаётган вақтда Исроил бинога дронлар отган. Журналистлар жароҳатланган.
Телеканалнинг хабар беришича, Исроил кучлари тез ёрдам машиналарининг ўтишига йўл қўймагани учун қутқарувчилар ва шифокорлар Абудакийнинг ёнига бора олмаган, оқибатда оператор ҳалок бўлган. Елкасидан яраланган Дадуҳ ўзи касалхонага борган.
Самер Абудакийнинг ўлимидан сўнг Al Jazeera Ғазо секторида ўлдирилган журналистлар ва ОАВ ходимлари сони 90 нафардан ошганини маълум қилди.
Изоҳ (0)