Ўтган ҳафтада Исроил ҳарбийлари Ғазо секторида терроризмга алоқадорликда гумон қилинган 200 дан ортиқ фаластинликни ҳибсга олди. Жами шу кунгача 700 дан ортиқ киши ҳибсга олиниб, анклавдаги ҳарбий амалиётлар давомида Исроилга сўроққа жўнатилди. Бу ҳақда Исроил армияси матбуот хизмати маълум қилди.
“Бир ҳафта давомида Исроил армияси ва Бош хавфсизлик кучлари Ғазо секторида террорчиликда гумон қилинган юзлаб одамларни ҳибсга олди, 200 дан ортиқ ҲАМАС ва “Исломий жиҳод” аъзолари сўроқ қилиш учун Исроилга олиб келинди”, — дея қўшимча қилинади армия баёнотида.
Маълум қилинишича, қўлга олинганларнинг баъзилари ихтиёрий равишда Исроил кучларига таслим бўлган.
Изоҳ (0)