Суперлига бош директори: “Кўплаб клублар оммавий “йўқ” деяётган бўлса-да, менга қўнғироқ қилиб, биз томондалигини маълум қилди”

Европа Суперлигаси бош директорининг таъкидлашича, лойиҳани кутилганидан кўпроқ клублар қўллаб-қувватламоқда.

Кўплаб клублар дарҳол баёнот билан чиқди, уларда биз 70 йиллик монополиянинг узун қўлини кўрдик. УЕФА клубларга босим ўтказаётганига шубҳа билан қараймизми? Озроқ вақт беринг ва биз клубларни ишонтира оламиз. Биз Европанинг энг яхши клубларини ўз сафимизга қўшиб оламиз. Замонавий футбол монополияга ошиқ эмас ва унга боғланиб қолмаганига кафолат бераман. 

Мен кеча кўплаб клублар билан гаплашдим, лекин ҳали музокаралар олиб боришга ёки бирор нарса бўйича келишиб олишга уринмадик. Мулоқотнинг янги даври бошланмоқда. Энди Суперлигани ташкил этувчи клублар билан мулоқотда бўламиз. Бугун клублардан: “Мен шу ердаман” дейишларини талаб қилмаймиз. Шу билан бирга девор ҳам қурмоқчи эмасмиз. Бўлинишни эмас, бирлашишни хоҳлаймиз. 

Бир қанча клублар Суперлигага қўшилмаслигини маълум қилиб, баёнот берди ва дарҳол менга қўнғироқ қилди: “Биз оммавий “йўқ” деб жавоб берамиз, лекин сиз билан биргамиз”, дейишди.

Дунёдаги энг яхши футболни биз текинга тақдим этмоқчимиз. Энг яхши футбол эса дунё бўйлаб миллиардлаб мухлисларни ўзига жалб қилади.  

Асосий молиялаштириш рекламалар орқали бўлади. Рекламалардан йилига 3 миллиард евро ишлаб топишга қурбимиз етади. 

Суперлигада Саудия Арабистонининг пуллари бўлмайди. Ҳозирда Европа ва АҚШ инвесторлари билан музокаралар кетмоқда. Бу кафолатланган.

Футбол умуман бепул бўлади. Ҳар доим. Фақатгина ашаддий мухлислар учун премиум-аъзолик бўлиши мумкин. 

Бернд Рейхарт, Суперлига бош директори