Yevropa Superligasi bosh direktorining ta’kidlashicha, loyihani kutilganidan ko‘proq klublar qo‘llab-quvvatlamoqda.
Ko‘plab klublar darhol bayonot bilan chiqdi, ularda biz 70 yillik monopoliyaning uzun qo‘lini ko‘rdik. UEFA klublarga bosim o‘tkazayotganiga shubha bilan qaraymizmi? Ozroq vaqt bering va biz klublarni ishontira olamiz. Biz Yevropaning eng yaxshi klublarini o‘z safimizga qo‘shib olamiz. Zamonaviy futbol monopoliyaga oshiq emas va unga bog‘lanib qolmaganiga kafolat beraman.
Men kecha ko‘plab klublar bilan gaplashdim, lekin hali muzokaralar olib borishga yoki biror narsa bo‘yicha kelishib olishga urinmadik. Muloqotning yangi davri boshlanmoqda. Endi Superligani tashkil etuvchi klublar bilan muloqotda bo‘lamiz. Bugun klublardan: “Men shu yerdaman” deyishlarini talab qilmaymiz. Shu bilan birga devor ham qurmoqchi emasmiz. Bo‘linishni emas, birlashishni xohlaymiz.
Bir qancha klublar Superligaga qo‘shilmasligini ma’lum qilib, bayonot berdi va darhol menga qo‘ng‘iroq qildi: “Biz ommaviy “yo‘q” deb javob beramiz, lekin siz bilan birgamiz”, deyishdi.
Dunyodagi eng yaxshi futbolni biz tekinga taqdim etmoqchimiz. Eng yaxshi futbol esa dunyo bo‘ylab milliardlab muxlislarni o‘ziga jalb qiladi.
Asosiy moliyalashtirish reklamalar orqali bo‘ladi. Reklamalardan yiliga 3 milliard yevro ishlab topishga qurbimiz yetadi.
Superligada Saudiya Arabistonining pullari bo‘lmaydi. Hozirda Yevropa va AQSH investorlari bilan muzokaralar ketmoqda. Bu kafolatlangan.
Futbol umuman bepul bo‘ladi. Har doim. Faqatgina ashaddiy muxlislar uchun premium-a’zolik bo‘lishi mumkin.
Bernd Reyxart, Superliga bosh direktori
Izoh (0)