Қозоғистоннинг Абай вилоятида беш яшар бола музлаган Қоракўл дарёси остига тушиб кетди. Бу ҳақда Закон.кз хабар берди.
22 декабрь куни маҳаллий вақт билан соат 12:54 да Таскескен қишлоғида беш ёшли бола музлаган дарё остига тушиб кетгани бўйича полицияга хабар берилган. Бола қишлоқ четида жойлашган музлаган Қоракўл дарёсининг мўрт юзасида тенгдоши билан ўйнаб юрган.
“Ваҳима ичида яқин атрофдаги тенгдоши катталар олдига югуриб ёрдам сўраган. Гувоҳлар воқеа жойига бориб, бир вақтнинг ўзида қутқарувчиларни ҳам чақирган. Болани қидириш давом этмоқда”, — дейди Абай вилояти полицияси.
Бу йил вилоятда совуқ кеч келди, шу боис дарё ва кўллардаги муз қалинлиги ҳозирда уч сантиметрдан ошмайди.
Изоҳ (0)