Қозоғистоннинг Оқтўбе шаҳридаги мактаблардан бирида 13 ёшли ўқувчи вафот этди. Бу ҳақда “Диапазон” хабар берди.
Хабарга кўра, ҳодиса 27-сонли таълим муассасасида содир бўлган. 7-синф ўқувчиси партанинг бурчагига урилгач, йиқилиб тушган.
“Бу ҳаммани ҳайратда қолдирди. Қизимнинг айтишича, воқеа учинчи қаватда содир бўлган. Бола синфга югуриб кириб, остонада қоқилган ва томоғи билан парта ёки стол бурчагига урилган”, — дейди мактабдаги ўқувчилардан бирининг онаси.
Оқтўбе вилояти соғлиқни сақлаш бошқармаси содир бўлган воқеа ҳақидаги маълумотни тасдиқлади.
“13 ёшли бола мактабда йиқилиб, парта бурчагига урилган. У клиник ўлим ҳолатида шифохонага етказилган. Текширув вақтида уйқу артериясида пулсация кузатилмаган, қон босими аниқланмаган, бола ҳушида бўлмаган. Жағ соҳасида жароҳат қайд этилган. Дарҳол реанимация бошланган. Соат 11:25 да ўлим тасдиқланган”, — деди Оқтўбе вилояти соғлиқни сақлаш бошқармаси бошлиғи Рустем Исаев.
Изоҳ (0)