Дунёдаги энг йирик нефть ишлаб чиқарувчилардан бири Ангола Нефть экспорт қилувчи давлатлар ташкилотидан (ОПЕК) чиқишини эълон қилганидан кейин Brent маркали нефть нархи бир баррел учун 79 доллардан пастлади. Буни Лондон ICE биржаси маълумотлари тасдиқлайди, деб ёзади “Tengrinews”.
Энг паст нуқтада котировкалар 78,7 долларга тушди. Шу билан бирга, сўнгги кунларда Қизил денгиздаги ҳусийларнинг ҳужумлари туфайли Brent маркали нефть нархи ошиб бормоқда.
Аввалроқ Қизил денгизда АҚШ бошчилигидаги бир қанча давлатлар томонидан бошланган ҳусий операцияларга қарши операция фонида ёқилғи нархи бир баррел учун 80 доллардан ошганди.
21 декабрь куни Ангола нефть, газ ва минерал ресурслар вазири Диамонтино Азеведо мамлакат ОПЕКдан чиқишини маълум қилди. Унинг сўзларига кўра, Анголанинг ташкилотдаги роли “аҳамиятли эмас эди” ва мамлакатнинг ОПЕКдаги иштирокининг ўзи Луанда манфаатларини қондирмади. Шунингдек, у Ангола нефть қазиб олишни қисқартиришга рози бўлмаслигини қўшимча қилди.
Изоҳ (0)