“Вазият оғир”. Украинанинг шарқий фронтида руслар қурол ва сон жиҳатидан устунлик қилаётгани айтилди

Россия қўшинлари Купянск, Лиманск ва Бахмут йўналишида ҳужумга қилишда давом этмоқда, деди Украина Қуролли кучлари қуруқликдаги қўшинлари бошлиғи, фронтнинг шарқий секторидаги қўшинлар қўмондони Александр Сирский.

Сирскийнинг сўзларига кўра, ушбу ҳудудларда “вазият оғир”.

“Биз душманнинг қурол-яроғ ва сон жиҳатдан шахсий таркиби устунлиги шароитида курашишга мажбурмиз”, — деди у.

Шу билан бирга, Сирский “ҳар учала йўналишда ҳам Украина қўшинлари мудофаани ушлаб, душманни йўқ қилаётганини” таъкидлади.

Фронт шарқий қисми қўмондонининг сўзларига кўра, рус қўшинлари катта йўқотишларга дучор бўлмоқда, улар собиқ маҳбуслардан тузилган ҳужум батальонлари захиралари ҳисобидан тўлдирилмоқда.

Украина Қуролли кучлари асосан, “жанговар ҳаракатларни режалаштириш, артиллерия, миномётлар, ҳужумчи дронлар ва ўқотар қуроллардан самарали фойдаланиш орқали” муваффақиятга эришишга уринмоқда. Украина ҳарбийлари учун операцияларни режалаштиришда йўқотишларни минималлаштириш ҳар доим устувор аҳамиятга эга, деб таъкидлади Сирский.

Александр Сирскийнинг 10 декабрь кунги хабарида одамлар ва техникаларидаги катта йўқотишларга қарамай, рус қўшинлари бутун шарқий фронт бўйлаб олдинга силжиётганини айтганди.

Украина Қуролли кучлари Бош штабининг 19 декабрдаги тонгги ҳисоботида бир суткада юз берган 105 та тўқнашув ҳақида сўз боради.

Россия қўшинлари ҳужумни кучайтиришга уринаётгани ҳақидаги хабарлар Украинага Америка ҳарбий ёрдамининг навбатдаги пакети муҳокама қилинаётган пайтда янграмоқда: Конгресс Киевга ажратиладиган маблағларни ҳалигача тасдиқлай олмаяпти.