Россия қўшинлари икки ойдан бери Донецк яқинидаги Авдеевка шаҳрини эгаллашга уринмоқда. Билд нашри фронтдаги вазият ҳақида маълумот берди.
Хабарга кўра, илгари рус қўшинлари жануби-ғарбда Водяное қишлоғидан ва шимоли-ғарбда эса Степовое қишлоғига ҳужум қилиб, Украина ҳарбийларини қуршаб олишга ҳаракат қилган.
“Ҳозирча Россия қуролли кучлари бу ҳудудларда муваффақиятсизликка учрамоқда ва катта йўқотишларга дучор бўлмоқда”, — деб ёзади Bild.
Ҳарбий эксперт Юлиан Рёпкенинг сўзларига кўра, Россия эндиликда Авдеевка учун жангда учинчи фронтни очди. Янги йўналишда рус қўшинлари 2014 йилдан бери давом этиб келаётган мустаҳкамланган Украина мудофаасини ёриб ўтган.
Рёпке таъкидлаганидек, Россиянинг ушбу янги йўналишдаги ҳужумлари қанчалик муваффақиятли эканини баҳолаш ҳали ҳам қийин. Гап камида 0,5 километр олдинга силжиш ҳақида кетмоқда
Изоҳ (0)