Еврокомиссия Россиянинг олмос импортини тақиқлаш мамлакатга йилига 4 миллиард евро зарар келтиришини маълум қилди. Бу ҳақда Еврокомиссия баёнотида айтилган.
“Таклиф этилаётган санкциялар G7 нинг олмос қазиб олиш бўйича халқаро миқёсда келишилган тақиқининг бир қисми бўлиб, Россияни йилига 4 миллиард еврога баҳоланган муҳим даромаддан маҳрум этишни мақсад қилган”, — дейилади у.
Ҳужжатда таъкидланишича, “Еттилик гуруҳи”нинг барча аъзолари 2024 йил 1 январдан кечиктирмай Россиядан олмос экспортига тўғридан тўғри тақиқ жорий қилади.
“2024 йилнинг 1 мартидан бошлаб учинчи давлатда қайта ишланган рус олмосларини экспорт қилишга тақиқ кучга киради ва 2024 йил 1 сентябрдан бошлаб у лабораторияда ишланган олмос, заргарлик буюмлари ва олмос соатларни ўз ичига олади”, — дейилади Европа комиссияси хабарида.
Ушбу чора-тадбирлар самарадорлигини ошириш учун EК сайқалланмаган олмослар учун ишончли кузатувга асосланган текшириш ва сертификатлаш механизми яратилишини таъкидлади.
Изоҳ (0)