Yevrokomissiya Rossiyaning olmos importini taqiqlash mamlakatga yiliga 4 milliard yevro zarar keltirishini ma’lum qildi. Bu haqda Yevrokomissiya bayonotida aytilgan.
“Taklif etilayotgan sanksiyalar G7 ning olmos qazib olish bo‘yicha xalqaro miqyosda kelishilgan taqiqining bir qismi bo‘lib, Rossiyani yiliga 4 milliard yevroga baholangan muhim daromaddan mahrum etishni maqsad qilgan”, — deyiladi u.
Hujjatda taʼkidlanishicha, “Yettilik guruhi”ning barcha aʼzolari 2024-yil 1-yanvardan kechiktirmay Rossiyadan olmos eksportiga to‘g‘ridan to‘g‘ri taqiq joriy qiladi.
“2024-yilning 1-martidan boshlab uchinchi davlatda qayta ishlangan rus olmoslarini eksport qilishga taqiq kuchga kiradi va 2024-yil 1-sentyabrdan boshlab u laboratoriyada ishlangan olmos, zargarlik buyumlari va olmos soatlarni o‘z ichiga oladi”, — deyiladi Yevropa komissiyasi xabarida.
Ushbu chora-tadbirlar samaradorligini oshirish uchun YK sayqallanmagan olmoslar uchun ishonchli kuzatuvga asoslangan tekshirish va sertifikatlash mexanizmi yaratilishini ta’kidladi.
Izoh (0)