“Ўзгидромет” ҳафта давомида кузатиладиган об-ҳаво ҳақида маълумот берди.
Унга кўра, 18 декабрь, душанба куни кундузи Ўзбекистон ҳудуди бўйича ҳаво бир оз ўзгариб туради, ёғингарчилик кутилмайди. Куннинг иккинчи ярмида ҳаво 8-13 даража илиққача исийди.
Фақат республиканинг шимоли-ғарбий ҳудудларига нам ҳаво кириб келиши кутилмоқда. Қорақалпоғистон Республикаси ва Хоразм вилоятида баъзи жойларда бир оз қор ёғади.
19 декабрь куни нам ва нисбатан совуқ ҳаво массаси Ўзбекистоннинг барча ҳудудларига тарқалади. Республиканинг кўпчилик ҳудудларида ёғингарчилик (ёмғир, қор) бўлади. Бухоро, Навоий вилоятларида фақат кечаси ва эрталаб бир оз ёғингарчилик бўлиши мумкин. Республика жанубида ва Фарғона водийси вилоятларида ёғингарчиликсиз об-ҳаво сақланиб туради.
20—22 декабрь кунлари республика ҳудуди бўйича ёғингарчиликсиз об-ҳаво бўлиши кутилмоқда, фақат 20 декабрь, чоршанба куни республиканинг айрим тоғолди ва тоғли ҳудудларида асосан қор кўринишидаги ёғингарчилик бўлиши сақланиб туради.
19—21 декабрь кунлари даврида ҳаво ҳарорати кечалари 0-5 даражагача совуқ, шимолда 5-10 даражагача совуқ, кундуз кунлари 2-7 даражагача илиққа пасаяди, бу ушбу давр учун бўлган меъёрий қийматлардан 2-3 даражага пастдир.
22 декабрдан ҳарорат кўтарила бошлайди, кундуз кунлари ҳаво 7-9 даражагача илиққа исийди. Ҳавонинг исиши кейинги дам олиш кунларида ҳам давом этади.
Республика бўйича баъзи жойларга туман тушади. 18—19 декабрь кунлари айрим жойларда шамол 15-20 метр/секундгача кучайиши мумкин.
Тошкентда душанба куни ёғингарчилик кутилмайди, ҳарорат 9-11 даража илиқ бўлади. 19 декабрда вақти-вақти билан бир оз ёмғир ёғади, қорга айланиши мумкин. Шамол шарқдан 5-10 метр/секунд тезликда эсади, 12-15 метр/секундгача кучаяди. Ҳарорат кечаси 1-3 даража илиқ, кундузи 3-5 даража илиқ бўлади.
20—22 декабрда ёғингарчилик кутилмайди, кечаси ва эрталаб туман тушиши мумкин. Ҳарорат кечалари асосан 2 даража совуқ — 1 даража илиқ, кундузи 20 декабрда 3-5 даража илиқ бўлади, 21—22 декабрда 7-9 даража илиққача аста-секин кўтарилади.
Изоҳ (0)