АҚШ ҳарбий-денгиз кучларининг USS Carney эсминеци 16 декабрь, шанба куни эрта тонгда Яманнинг Қизил денгиздаги ҳутий исёнчилар назорати остидаги ҳудудларидан учирилган 14 та дронни йўқ қилди. Бу ҳақда АҚШ Марказий қўмондонлиги Х ижтимоий тармоғида маълум қилди.
“Ушбу дронлар бир томонлама ҳужумга мўлжалланган учувчисиз аппаратлар сифатида баҳоланди. Ҳудуддаги кемаларга зарар етказилмаган ва қурбонлар юзага келтирилмаган ҳолда уриб туширилди. Қизил денгиздаги минтақавий ҳамкорлар хавф ҳақида огоҳлантирилди”, — дейилади АҚШ Марказий қўмондонлиги постида.
3 декабрь куни Ироқдан Американинг Суриядаги базасига 15 та ракета учирилгани хабар берилганди.
Изоҳ (0)