Forbes 2023 йил декабрь ҳолатига кўра дунёнинг энг бой 10 кишиси рўйхатини эълон қилди

Forbes дунё миллиардерларининг декабрь ойи ҳолатига кўра рейтингини эълон қилди.

Унга кўра, ҳамон Илон Маск 1-поғонани эгаллаб турибди. Унинг бойлиги 245 млрд АҚШ доллари сифатида баҳоланган. Иккинчи ўринни француз миллиардери, Louis Vuitton компанияси раҳбари Бернард Арно 191 миллиард доллар билан банд этди.

Amazon асосчиси Жефф Безос 3-ўринда. Унинг бойлиги декабрь ойида 168 млрд доллардан ошган.

Умуман олганда, ноябрь ойи миллиардерлар учун акциялар нархи бўйича жуда яхши ой бўлди. Дунёдаги энг бой 10 кишининг барчасида даромад ошиши кузатилган. Уларнинг бойлиги жами 9 фоизга ўсди.

Forbes талқинига кўра 2023 йилнинг декабрь ойи ҳолатига кўра дунёнинг энг бой 10 нафар миллиардери:

1. Илон Маск (245,3 миллиард доллар)
2. Бернард Арно (191,3 миллиард доллар)
3. Жефф Безос (168,4 миллиард доллар)
4. Ларри Эллисон (146,5 миллиард доллар)
5. Уоррен Баффет (119,3 миллиард доллар)
6. Билл Гейтс (117,6 миллиард доллар)
7. Марк Цукерберг (115,9 миллиард доллар)
8. Стив Балмер (112,8 миллиард доллар)
9. Ларри Пейж (111,7 миллиард доллар)
10. Сергей Брин (107,3 ​​миллиард доллар)

Forbes октябрь ойида АҚШнинг энг бой одамлари рўйхатини эълон қилганди.