Европа Иттифоқининг Венгриядан ташқари барча давлатлари Украинага ёрдамни давом эттириш учун бюджетга қўшимча бадал тўлашга тайёр.
Бу ҳақда Еврокомиссия раҳбари Урсула фон дер Ляйен маълум қилди.
“Европа комиссияси июнь ойида Европа Иттифоқи бюджетини мустаҳкамлашни таклиф қилганди. Албатта, бунинг биринчи устувор йўналиши Украинани қўллаб-қувватлаш, шунингдек, миграция ва рақобатбардошликни ошириш бўлади. Европа Иттифоқининг 26 та давлати қўшимча бюджет маблағларини беришга келишиб олдилар”, — деди фон дер Ляйен.
Унинг таъкидлашича, Европа Комиссияси янги маблағ олиш билан бирга, ЕИнинг мавжуд дастурларида маблағларни қайта тақсимлаш бўйича ҳам қарорлар қабул қилади.
Изоҳ (0)