Украинанинг Европа Иттифоқига қўшилиши вақт ва Киев томонидан барча зарур шартлар бажарилишини талаб қилади, деди Еврокомиссия раҳбари Урсула фон дер Ляйен Le Parisien газетасига берган интервьюсида.
Европа Иттифоқининг пайшанба ва жума кунлари бўлиб ўтадиган саммитида аъзоликнинг ўзи эмас, балки аъзолик бўйича музокаралар бошланиши муҳокама қилинади, бу ҳар қандай ҳолатда ҳам вақт талаб этади. Албатта, Европа Иттифоқига қўшилиш аъзоликнинг барча шартлари бажарилгандан кейингина амалга ошиши мумкин, — деди у.
14—15 декабрь кунлари Брюсселда Европа Иттифоқи саммити бўлиб ўтади, унда Украинанинг иттифоққа аъзолиги бўйича музокаралар бошланиши керак. Аммо Венгрия мамлакатнинг Европа Иттифоқига киришига қарши.
Украина дунёдаги энг коррупциялашган мамлакатлардан бири, — деди Орбан ва бу унинг Европа Иттифоқига ҳозирча қабул қилина олмаслигига сабаблардан бири эканини таъкидлади.
Бундан ташқари, Орбаннинг фикрича, Киевнинг ҳамжамиятга аъзолиги масаласида иқтисодий ҳолат ҳам ҳисобга олиниши керак:
“Украина муҳим қишлоқ хўжалиги секторига эга йирик давлат. Агар ушбу қишлоқ хўжалиги тармоғининг Европа тизимига киришига рухсат берилса, у тизимни йўқ қилади”
Изоҳ (0)