“Тошшаҳартрансхизмат” Учтепа туманида Yutong электробуси иштирокида содир бўлган йўл-транспорт ҳодисаси юзасидан расмий маълумот берди.
Маълум қилинишича, 14 декабрь куни соат 09:15 ларда “18-Автобус саройи” филиали тасарруфидаги Yutong электробуси ҳайдовчиси А.А (стажи 7 йил) Учтепа тумани “Ўрикзор” маҳалласидан ўтган Зарафшон кўчаси бўйлаб ҳаракатланиб бораётган вақтда йўлдаги музлама сабабли бошқарувни йўқотиб, йўл четидаги симёғочга бориб урилган. Мазкур йўл-транспорт ҳодисаси натижасида тан жароҳати олганлар йўқ. Yutong русумли электробус техник шикастланган.
Ҳозирда ушбу йўл-транспорт ҳодисаси Тошкент шаҳар ИИББ ЙҲХБ ходимлари томонидан расмийлаштирилиб, суриштирув ишлари олиб борилмоқда.
Эслатиб ўтамиз, июнь ойида Тошкент шаҳар Учтепа туманида йўловчи электробуси ва Lacetti иштирокида ЙТҲ содир бўлганди. Сентябрда эса Тошкентда йўловчилар бўлган электробус бетон устунга бориб урилган эди.
Изоҳ (0)