Қозоғистонда 3 яшар бола тўртта игна ва “замок” бош қисмини ютиб юборди (фото)

Қозоғистонлик шифокорлар саккиз кун ичида тўртта игна ютиб юборган болани қутқариб қолди. Бу ҳақда Liter.kz хабар берди.

Боланинг онаси ҳолат юзасидан касалхонага мурожаат қилган, у шифокорларга ўғли тасодифан кийимидаги “замок”нинг бош қисмини ютиб юборганини айтган. Шифокорлар боланинг кўкрак қафаси ва қорин бўшлиғини рентген қилган ва унинг ошқозонида “замок”нинг бир қисмини ва учта тикув игнасини аниқлаган.

Бола касалхонанинг жарроҳлик бўлимига ўтказилган, у ерда игналар олиб ташланган.

“3 яшар болани кузатиш давом этган. Қорин бўшлиғининг тос суяги проексиясида тўртинчи игна топилган. Колоноскопия ўтказилган ва охирги игна ичакдан олиб ташланган”, — дейди жарроҳлар.

Таъкидланишича, жарроҳлик амалиёти наркоз остида ўтган, бола саккиз кун ичида тўртта игнани ютиб юборгани аниқланган. Бир қатор жарроҳлик аралашувлардан сўнг боланинг аҳволи тезда барқарорлашган ва у амбулатор даволанишга юборилган.

Мавзуга доир:

• Грузияда аёл операциядан кейин қорнида қолиб кетган қайчи билан 3 ой юрди
• Вьетнамда шифокорлар мижознинг қорнидан 18 йил муқаддам унутиб қолдирилган қайчини чиқариб олди
• Тўққиз йил ошқозонида қайчи билан яшаган босниялик жарроҳларни судга берди