Қозоғистонда икки яшар бола 11 та магнитни ютиб юборди (фото)

Қозоғистоннинг Қарағанда шаҳрида икки яшар бола 11 та магнитни ютиб юборди. Бу ҳақда Tengrinews хабар берди.

Шифокорлар икки ёшли боланинг қорин бўшлиғидан 11 дона магнит олиб ташлади. Бола 4 февраль куни шошилинч равишда вилоят болалар шифохонасига ётқизилган. Унинг қорнида қаттиқ оғриқ қайд этилган ва қайта-қайта қайт қилган. Қорин бўшлиғи органларининг рентгенографияси болада номаълум жисм мавжудлигини кўрсатди.

“Шошилинч равишда мураккаб операция ўтказилди, ичак шикастланиши аниқланди. Боланинг ошқозон-ичак трактидан болалар ўйинчоғининг 11 дона миқдорида магнит қисмлари ажратиб олинди. Айнан улар ичакни шикастлаган ва бир-бирига ёпишиб қолган”, — деди вилоят болалар клиник шифохонаси жарроҳлик хизмати директори ўринбосари Жанат Елубоев.

Ҳозир бола реанимация бўлимида. Шифокорлар унинг аҳволини барқарор деб баҳоламоқда.

Аввалроқ қозоғистонлик шифокорлар саккиз кун ичида тўртта игна ютиб юборган болани қутқариб қолганди. Боланинг онаси ҳолат юзасидан касалхонага мурожаат қилган, у шифокорларга ўғли тасодифан кийимидаги “замок”нинг бош қисмини ютиб юборганини айтган. Шифокорлар боланинг кўкрак қафаси ва қорин бўшлиғини рентген қилган ва унинг ошқозонида “замок”нинг бир қисмини ва тўртта тикув игнасини аниқлаган.