Қозоғистоннинг Остона ва бошқа бир қатор шаҳарларидаги мактаб ўқувчилари ноқулай об-ҳаво шароити туфайли масофавий таълимга ўтказилди. Бу ҳақда шаҳар таълим бошқармаларига таяниб, KTK.kz хабар берди.
Остона шаҳар таълим бошқармаси маълумотларига кўра, об-ҳаво шароитининг ёмонлашиши муносабати билан 2023 йилнинг 13 декабрь куни иккинчи сменанинг ўқувчилари масофавий таълим форматига ўтади. Қўстанайда ҳаво ҳарорати 31 даража совуқлиги туфайли, бошланғичдан 11-синф ўқувчиларигача онлайн ўқитиш форматига ўтказилади. Семей шаҳрида (27 даража совуқ) иккинчи сменанинг 1—9-синф ўқувчилари, Уст-Каменогорск шаҳрида 0—4-синфлар, Риддерда 0—11-синф ўқувчилари масофавий таълим олади.
Павлодар шаҳридаги мактабларда мактабгача таълим муассасалари, иккинчи сменадаги 1—9-синф ўқувчилари масофавий ўқитиш форматига ўтказилади. Шаҳарда ҳарорат 29 даража совуқ. Шунингдек, Кўкшетов, Қарағанда, Петропавловск, Олмаотадаги мактабларда 13—14 декабрь кунлари онлайн таълим бўлади.
Изоҳ (0)