Дания полицияси терактлар уюштиришга тайёргарлик кўрганликда гумон қилинган бир неча кишини қўлга олди, дея хабар бермоқда Associated Press.
Бугун 14 декабрь куни эрта тонгда бутун мамлакат бўйлаб қўлга олиш тадбирлари ўтказилди. Полиция ҳозирча бу маълумот бўйича бошқа тафсилотларни келтирмади.
Кечга яқин Копенгаген полицияси ва мамлакат ички разведка агентлиги ўртасида қўшма матбуот анжумани бўлиб ўтиши кутилмоқда.
Данияда террорчилик таҳдидининг тўртинчи — сўнггидан олдинги даражаси эълон қилинган.
7 декабрь куни Дания парламенти диний матнларни ёқишни тақиқловчи қонунни қабул қилганди. Эндиликда Данияда бундай ҳаракатлар учун икки йилгача озодликдан маҳрум қилиш жазоси берилади.
Изоҳ (0)