Аргентина ҳукумати песони 50 фоизга девалвация қилди ва “шок” терапияси дастури доирасида давлат харажатларини қисқартиришни эълон қилди.
Мамлакат иқтисодиёт вазири Луи Капутонинг сўзларига кўра, песо курси бир АҚШ доллари учун 400 песодан 800 песога туширилади. Келгусида Аргентина Марказий банки миллий валютани ойига 2 фоизга девалвация қилишни режалаштирмоқда.
Аргентинада йиллик инфляция даражаси 140% дан ошади, мамлакатда катта бюджет ва ташқи савдо тақчиллиги мавжуд, Халқаро валюта жамғармасидан 45 миллиард доллар қарз бор.
Апрелгача Аргентина 10,6 миллиард доллар қарзни тўлаши керак, деб ёзади Маrket Watch.
Инқироздан чиқиш учун, хусусан, транспорт ва энергетика субсидияларини қисқартириш ва пенсияларни индексация қилишни тўхтатиш режалаштирилган.
Ноябрь ойи охирида сайланган Аргентина президенти Хавер Милей аввалроқ ўз ватандошларини оғир кунлар кутаётгани, улар иқтисодиётни тиклаш учун зарур ислоҳотларни амалга оширишлари кераклиги ҳақида огоҳлантирган эди.
Изоҳ (0)