Ўзбекистон ташқи ишлар вазири ўринбосари Баҳромжон Аълоев Ироқ бош вазири ўринбосари – ташқи ишлар вазири Фуад Ҳусайн билан учрашди. Бу ҳақда ТИВ матбуот хизмати хабар берди.
Қайд этилишича, учрашувда Ироқ томони Ўзбекистон билан кўп қиррали шерикликни янада мустаҳкамлаш ва ўзаро устувор соҳаларда ҳамкорлик кўламини кенгайтиришдан манфаатдорлигини билдирган.
Сиёсий мулоқотни фаоллаштириш, савдо-иқтисодий ҳамкорликни чуқурлаштириш ва маданий-гуманитар алмашинувни мустаҳкамлаш муҳимлиги таъкидланган. Ироқ томони Ўзбекистон маҳсулотларининг Ироқ бозорига чиқиши ва Ўзбекистондан импорт турларини кенгайтиришдан манфаатдор эканини қайд этган.
Учрашувда бўлажак қўшма тадбирлар жадвали ҳам муҳокама қилинди, — дейилади хабарда.
Маълумот учун, 2017—2022 йилларда Ўзбекистоннинг жами экспорти 95 миллиард доллардан ортиқни ташкил этди, шундан 2022 йилда 19 миллиард доллардан ортиқ маҳсулот экспорт қилинди, бу 2016 йилга нисбатан 60 фоизга кўпдир.
Изоҳ (0)