Хитой раиси ўринбосари Хан Чжен Ўзбекистон ташқи ишлар вазири Бахтиёр Саидов бошлигидаги делегацияни қабул қилди. Бу ҳақда ТИВ раҳбари ўзининг Telegram’даги каналига ёзиб қолдирди.
“Раҳбарларимиз ўртасида яқин дўстлик ва икки томонлама муносабатлари барча соҳаларда юқори суръатларда ривожланаётганини яна бир бор таъкидладик. Ўзбекистон ва Хитой буюк тарихий мерос ва барқарор ривожланишга қаратилган муштарак мақсадларга эга”, — дейди Саидов.
Унга кўра, сўнгги йилларда бошқа соҳалар қаторида савдо алоқалари ва инвестициявий ҳамкорлик мисли кўрилмаган, кўпроқ иш ўринлари ва технологик жиҳатдан ривожланган иқтисодиёт яратишга йўналтирилган даражага кўтарилган. “Эришилган ютуқлар талайгина, янада кўпроғи эса ҳали олдинда”, — дея таъкидлайди Ўзбекистон ТИВ раҳбари.
Ўзбекистон ташқи ишлар вазири Бахтиёр Саидов 19 ноябрдан бери Хитойда бўлиб турибди. Апрель охирларида Бахтиёр Саидов хитойлик ҳамкасби Син Ган билан музокара ўтказган эди. Шунингдек, у ўшнда Шенси провинцияси партия котиби Чжао Иде билан учрашиб, Ўзбекистон—Хитой ҳудудлараро алоқаларини ривожлантириш масалаларини кўриб чиққан.
Изоҳ (0)