Украина президенти Владимир Зеленскийнинг оптимистик баёнотлари унинг офиси ва ҳарбий раҳбарият ўртасида келишмовчиликни келтириб чиқаради. Бу ҳақда Financial Times хабар берди.
Хабарга кўра, Зеленскийнинг собиқ ва амалдаги маслаҳатчиларида Украина президентининг хабарларида реализм йўқлиги унга бўлган ишончини пасайтиради. Зеленскийнинг кундалик мурожаатларида доимо мамлакат ичида ҳам, хорижда ҳам оптимизм уйғотиши керак бўлган Украинанинг олға силжиши ҳақидаги хабарлар мавжуд. Президент мурожаатидаги ёмон хабарлар эса қаттиқ цензурага дучор бўлади.
“Гарчи Украина бу йил ҳарбий ютуқларга озгина эришгани ва Ғарб томонидан қўллаб-қувватланишининг камайиши муносабати билан президент маъмурияти ва ҳарбий раҳбарият ўртасида келишмовчиликни келтириб чиқармоқда”, — деб ёзади ҳарбий амалдорларга таяниб Financial Times.
“Биз реализмни қўшишимиз керак. 2022 йил 24 февралдаги каби бу борада дадил бўлишимиз керак”, — деди нашр суҳбатдошларидан бири.
Сиёсий рақиблар Зеленскийни очиқ танқид қила бошлади, дея эслайди Financial Times ва Киев мэри Виталий Кличконинг сўнгги баёнотларини мисол қилиб келтирди. Украина ҳарбийлари расмий баёнотлар ва мавжуд вазият ўртасидаги тафовут яққол кўзга ташланмоқда, деб ҳисобламоқда, бу украиналикларни ёки мамлакатнинг ғарбий шерикларига мотив бермайди.
Аммо Зеленский оптимизмни шубҳали одамларни тинчлантириш ва уруш ҳаракатлари учун солиқ даромадларининг муҳим манбаи бўлиб қоладиган Украина бизнеслари ўртасида ишончни мустаҳкамлашнинг ягона йўли деб билади.
“Агар биз пессимистик бўлсак, одамлар Украинада ўз бизнесларини ривожлантиришни тўхтатиб, солиқ тўлашни тўхтатиши мумкин ва урушни давом эттиришга етарли маблағ бўлмайди”, — дейди анонимлик шарти билан газетага Украина расмийси.
Ноябрь ойи бошида Украина Қуролли кучлари бош қўмондони Валерий Залужний Тhе Economist нашрига уруш боши берк кўчага кириб қолганини айтганида, келишмовчиликлар яққол кўзга ташланди. Financial Times манбасининг айтишича, Залужнийнинг баёноти “кўпчилик украиналикларни ҳайратда қолдирган” ва баъзи Ғарб етакчилари ҳатто Киевга қўнғироқ қилиб, бу нимани англатишини сўраган.
Оптимизм стратегияси дастлаб украиналикларга ўзларига ва босқинларга қарши туриш қобилиятига ишонишларига ёрдам берди, аммо энди у “умидлар жуда юқори ва ҳақиқий вазиятга мос келмайдиган” чалкаш воқеани яратди, — деди Украина собиқ мудофаа вазири Алексей Резниковнинг маслаҳатчиси Ирина Золотар.
Изоҳ (0)