НАТО бош котиби Йенс Столтенбергнинг фикрича, Ғарб қурол етказиб беришни кўпайтирмаса, Украина учун вазият ёмонлашиши мумкин. Унинг фикрича, Киев “оғир вазиятда”.
“Ёмон янгиликларга тайёрланишимиз керак”, деди Столтенберг Германиянинг Das Erste телеканалига берган интервьюсида. Унинг таъкидлашича, “можаролар босқичма-босқич ривожланмоқда”. “Аммо биз Украинани ҳам ёмон, ҳам яхши кунларда қўллаб-қувватлашимиз керак”, — дея қўшимча қилди НАТО бош котиби.
Йенс Столтенберг журналистнинг Украина Қуролли кучлари бу вазиятда қандай ҳаракат қилиши кераклиги ҳақидаги саволига жавоб бермади. У “мураккаб тезкор қарорларни қабул қилиш” Киев ва Украина ҳарбий раҳбарияти ваколатида эканини таъкидлади.
Украина ёздан бери кенг кўламли қарши ҳужумни ўтказмоқда. Президент Владимир Зеленский Киев кутилган натижага эриша олмаганини тан олди. Украина Қуролли кучлари бош қўмондони Валерий Залужний можаро боши берк кўчага кириб қолганини айтиб ўтди.
Олий Рададаги “Халқ хизматкори” фракцияси раҳбари Девид Арахамия Украинанинг сиёсий ва ҳарбий раҳбарияти “жуда ёмон” музокара позицияси туфайли жанговар ҳаракатларни давом эттириш тарафдори эканини тан олди.
Изоҳ (0)