Ушбу юлдузлар иштирокидаги сериаллар барча машҳурлик рекордларини янгилаб келмоқда. Томошабинлар уларнинг ҳаётидаги ўзгаришларни диққат билан кузатиб боришлари ажабланарли эмас. Турк актёр ва актрисалари дунё миқёсида катта машҳурликка эришгандан сўнг нималар билан шуғулланишмоқда?
Ҳанде Эрчел
Ҳанде Эрчел иштирокидаги янги сериал 2024 йилда чиқиши режалаштирилмоқда. Суратга олишдан ташқари, Ҳанде яна бир қанча лойиҳаларда иштирок этмоқда. Турк телетомошабинлари Ҳандени телекўрсатувнинг бошловчиси сифатида ҳам билади. Шунингдек, у косметика брендлари билан ҳам йирик шартномалар имзолаган.
Бурак Ўзчивит
.jpg)
Турк киноиндустриянинг шаҳзодаси тадбиркор ҳам ҳисобланади. Ўзчивит бир нечта меҳмонхоналар қурилишига катта миқдорда сармоя киритган. Бундан ташқари, ресторан бизнесида ҳам муваффақиятли иш олиб бормоқда. Унинг Истанбулда бир нечта ресторанлари бор.
Демет Ўздемир
.jpg)
“Тонг қуши” сериалининг юлдузи нафақат актёрлик фаолиятини, балки мусиқий карьерасини ҳам фаол ривожлантирмоқда. Демет “Тонг қуши” сериали учун бир нечта композициялар ҳам ёзган. Шундан сўнг, у яккахон альбом чиқаришга қарор қилган. Актрисанинг мухлислари унинг стриминг платформаларида янги альбом премьерасини интиқлик билан кутмоқда.
Энгин Акюрек
.jpg)
Томошабинларга “Элчининг қизи” сериали орқали таниш бўлган Энгин актёр сифатида муваффақиятли роллар ижро этган. Энди у адабиёт соҳасини ҳам забт этмоқда. Энгин 2018 йилда нашр этилган “сукунат” номли ҳикоялар тўпламини ёзган. Унинг бу китоби Туркияда бестселлерга айланди. 2023 йилда Акюрекнинг “Вақтдан ташқари” номи остида иккинчи китоби нашр этилди.
Ўзге Гурел
.jpg)
“Муҳташам юз йил” сериалининг сўнгги фаслида роль ижро этган Ўзге Гурел бир неча йилдан бери хайрия ишларида фаол иштирок этиб келади. Ўзге ўз жамғармасига асос солган ва минглаб муҳтожларга таълим ва тиббий ёрдам бериб келмоқда. Уни кўплаб юлдуз ҳамкасблари қўллаб-қувватлайди.
Изоҳ (0)