“Merlin” serialining aktyorlari hozir qanday ko‘rinishda va nima bilan shug‘ullanmoqda? (foto)

2008-yilning sentyabrida Buyuk Britaniya kino ijodkorlari tomonidan suratga olingan “Merlin” serialining premyerasi bo‘lib o‘tgan edi. Yosh afsungar haqida hikoya qiluvchi kartina faqatgina Britaniyaning o‘zida emas, butun dunyoda mashhurlikka erishgan. Serialda rol ijro etgan aktyorlar ertasi kuniyoq mashhur bo‘lib uyg‘ondi. Serialning oxirgi fasli 2012-yilda ekranga chiqqan. Muxlislarga qirol Artur va do‘stlarining keyingi faoliyati qiziq bo‘lsa kerak-a?

Kolin Morgan

Suratga olish paytida aktyor 22 yoshda bo‘lgan. Morgan uchun bu bosh rolni ijro etgan birinchi yirik loyiha edi. Besh fasl davom etgan serialda muxlislar uning obrazidagi o‘sishni ko‘rgan.

Kartina muvaffaqiyatidan so‘ng, Morgan nafaqat to‘liq metrajli filmlarda, balki seriallarda ham rollar ijro eta boshladi. Ular orasida mashhur “Afsona”, “Odamlar”, “Ovchi va malika” va boshqalar bor.

Shaxsiy hayotga keladigan bo‘lsak, Kolin bor eʼtiborini ishga bag‘ishlagan ko‘rinadi. Sababi hozircha uning hayotida hech kim yo‘q.

Bredli Jeyms

O‘zining tashqi ko‘rinishi tufayli Jemys tez fursatda muxlislar eʼtiboriga tushdi. Serial yakunidan so‘ng, u vaqti-vaqti bilan kinokartinalarda ko‘rinib turdi. Morgan bilan solishtirganda Jeymsda rollar ko‘p emas.

Uning ishtirokidagi so‘nggi kartina 2020-yilda “Liberator” nomi bilan chiqqan. Jeyms 2011-yildan beri “Merlin”dagi hamkasabasi Enjel Kolbi bilan ishqiy munosabatda bo‘lib kelmoqda.

Richard Uilson

Serialda Richard keksa mo‘ysafid Gayus rolini ijro etadi. U o‘zining ijodiy faoliyatini uzoq 1964-yilda boshlagan bo‘lsa ham, chinakam mashhurlikka “Merlin” orqali erishgan. Yosh sababli Richard kamdan-kam hollarda ekranga chiqmoqda.

Aktyorning shaxsiy hayoti haqida maʼlumotlar kam.

Enjel Kolbi

Serialda Merlinning do‘sti keyinchalik qirol Arturning rafiqasiga aylangan, Kolbi kinokartinalardagi faoliyatini 2001-yilda boshlagan. O‘sha yili ekran yuzini ko‘rgan, “Dahshat” filmida suratga tushib, Britaniyada mashhurlikka erishgan. Uning ijodida 35 ga yaqin turli kinoloyihalar bor.

2008-yilda Merlin teleserialining tasvirga olish jarayonida aktrisa Bredli Jeyms bilan tanishadi. Oradan uch yil o‘tgach, hamkasblar munosabatlarini maʼlum qilgan. 2019-yilda Enjel Kolbi farzandli bo‘lganligini Twitter sahifasida eʼlon qildi.

Keti Makgrat

Serialda Morgana rolini ijro etgan Makgrat dastlab ijobiy qahramon obrazida bo‘ladi. Keyinchalik baʼzi sabablar tufayli serialning asosiy yovuz qahramoniga aylanadi. Aktrisa salbiy personajni mahorat bilan o‘ynagan va shu rol orqali dunyoga mashhur bo‘lgan bo‘lsa, ajab emas. Bundan tashqari, “Qirol Arturning qilichi”, “Super qiz” kabi kinokartinalardagi rollari bilan ham muxlislarga yaxshi tanish.

U Morganning yaqin do‘st. Avvaliga ular ishqiy munosabatda ekanligi haqida mish-mishlar tarqaldi, ammo aktyorlar buni rad etishdi.

Entoni Xed

Britaniyalik mashhur aktyor “Merlin”da ishtirok etishdan oldin ham ancha taniqli bo‘lgan. Entoni 150 dan ortiq kinoloyihalarda katta-kichik rollarni ijro etgan. Aktyor 67 yoshda bo‘lishiga qaramay filmlarda faol ishtirok etib kelmoqda.

Entoni 1982-yildan beri Sare Fisher bilan bir oila. Ularni ikki nafar qizi bor. Qizlarning ikkisi ham otasining izidan borib, maqtanishga arzigulik filmlarda ishtirok etgan.

Ouen Makken

Muxlislar Ouenni serialni birinchi faslida Gveyn obrazida ko‘rgan. O‘zining jahldor ko‘rinishi evaziga u tezda muxlislar eʼtiboriga tushdi va “Tungi smena” tibbiy kinoloyihasida bosh rollardan birini ijro etdi.

Mish-mishlarga qaraganda Ouen 2021 yilga qadar “Qirolichaning yurishi” serialidagi Anya Teylor-Joys bilan ishqiy munosabatda bo‘lgan.