“Кул, бахтли бўл! Ким билади, эрта келадими, йўқми?”. “Ўткинчи дунё” ҳинд фильми суратга олинганига 20 йил тўлди (фото, видео)

2003 йилда Нью-Йоркда суратга олинган Болливуднинг “Ўткинчи дунё” фильми миллионлаб мухлислар қалбидан жой олган. Сюжет​нинг таъсирчанлиги, актёрларнинг маҳорати ва фильм орқали томошабинга етказилган ғоянинг долзарблиги сабаб орадан салкам 20 йил ўтган бўлса ҳам фильм қайта-қайта томоша қилинади. Эътиборингизга фильм билан боғлиқ фактларни ҳавола этамиз.

1. Фильмдаги Прити Зинта гавдалантирган Нейна ролига дастлаб Карина Капур таклиф қилинган, лекин унинг ортиқча талаблари сабаб фильм ижодкорлари бошқа актрисани маъқул кўрган. Шундан кейин фильм продюссери Каран Жоҳар ва Карина Капур деярли 1 йил гаплашмай юрган.

2. Каран Жоҳар Рой Орбисон ижросидаги Pretty woman қўшиғини яхши кўрганидан “Ўткинчи дунё” фильми учун қўшиқни қайта ишлаш ҳуқуқини қўлга киритган.

3. Каран Жоҳар аввалига фильмни “Ҳеч қачон алвидо деманг” деб номлашни истаган, аммо кейинроқ фикридан қайтган. Шунга қарамай, 3 йилдан кейин тақдим қилинган Шоҳруҳ Хон, Прити Зинта, Рани Мукержи ва Абҳишек Баччан роль ижро қилган бошқа бир фильмни “Ҳеч қачон алвидо деманг” деб номлаган.



4. Фильм Каран Жоҳарнинг ғояси бўлишига қарамай, ёш ижодкор Никҳил Адванинг дебюти бўлган ва таниқли режиссёрларникидан ҳам омадлироқ чиққан.

5. Фильмнинг машҳур Kal ho naa ho қўшиғи яратилиши ғоясига “Титаник” саундтреки, Селин Дион томонидан ижро қилинган My heart will go on сабаб бўлган.



Никҳил ва фильм композитори Шанкар ресторанда ўтирганида ушбу қўшиқ янграган. Никҳил шунга ўхшаш қўшиқ яратилишини исташини билдирганидан кейин эса композитор мусиқа ёзишга киришган.

6. Шоҳруҳ Хон фильмда роль ижро қилмай қолишига бир бахя қолган. Суратга олиш жараёнининг бешинчи кунида актёр Каран Жоҳарга телефон қилиб, касал бўлиб қолгани сабаб суратга тушишда давом этолмаслигини билдирган. Бунга жавобан Никҳил Каран Жоҳардан Шоҳруҳ Хон тузалгунича кутиб туришни сўраган. Суратга олиш жамоаси Болливуд қиролининг буткул тузалишини 6 ой кутган.

7. Саиф Али Хон ижро қилган Роҳит ролини Абҳишек Баччан ёки Вивек Оберой гавдалантириши мумкин эди.

8. Нейнанинг онаси ролини Нита Капур ижро қилиши мумкин эди, лекин роль Жая Баччанга насиб қилган.

9. Фильм бошланганида Нейнанинг югуриш саҳнаси бор. Маълум бўлишича у вақтда Прити Зинтанинг жароҳати борлиги сабаб унинг ўрнига модел қиз бу эпизодни ижро этган.

10. Нейнанинг синглиси Жиянинг қўғирчоғини ушбу саҳна суратга олгунига қадар Прити Зинтанинг ўзи ясаган.