“Меҳридарё” лойиҳасига Тошкент вилояти, Тошкент туманида яшовчи Раъно Абдураззоқова мурожаат қилиб, 11 ёшдаги ўғлини даволаш учун халқдан ёрдам сўради.
— Оилада икки фарзандим бор. Афсуски, ўғилларимнинг соғлиғида муаммо бор. Тўнғич ўғлим Камолиддин астма билан, кенжам Фазлиддиннинг буйрагида ўсимта аниқланган. Уч ёшида Фазлиддин пешоб чиқаролмай қолди. Текширтирсак, буйрагида саратон ўсимтаси борлиги аниқланди.
Жуда оғир жарроҳлик амалиётини бошдан кечирди. Чилонзор туманида яшардик, уйни сотиб, Тошкент вилоятидан арзонроқ уй сотиб олдик. Пулнинг қолганини эса операция учун сарфлагандик. Ўғлимнинг аҳволи анча яхшиланиб қолганди, аммо шу йилнинг ёз ойида яхши юролмай “Оёғим оғрияпти” деди.
Ортопед шифокорларга кўрсацам, оёғининг тўпиқ қисмида ортиқча суяк ўсганини, уни жарроҳлик йўли билан олиб ташламаса, кейинчалик бола умуман юролмай қолишини айтишди. Мажбур яна умумий наркоз олдириб, операция қилдирдик. Аммо унинг танасида саратонга мойиллик бор, яна касаллиги ривожланишидан қўрқаман.
Ўғлим сентябрь ойидан буён мактабга боргани йўқ, чунки у яхши юролмаяпти. Ўн бир ёшдаги ўғлим икки йирик операцияни бошдан кечирди, ўсимтага қўшиб бир буйраги ҳам олиб ташланган. Онколог шифокорлар операциядан кейин касаллик ҳужайралари ривожланмаслиги учун белгиланган дори-дармонларни қабул қилиши кераклигини айтишяпти. Дорилар жуда қиммат, ҳаммасини чет элга буюртма бериб келтириш керак.
Ўзим боғчада, турмуш ўртоғим эса Сувсозда ишлайди. Афсуски, иккимизнинг ҳам соғлигимиз яхши эмас. Аммо ўзимиз учун эмас, фарзандим учун ёрдам сўрашга мажбурман. Чунки болам катта инсон ҳам кўтаролмайдиган операцияларни бошдан кечирди. Ҳозир аҳволи яхши, аммо унда саратон ривожланиш хавфи жуда юқори. Илтимос, бизга ёрдам беринглар.
Фазлиддин Абдуразаковга хайрига қилишни истасангиз,
8600 0610 0995 1863 (Абдуразакова Рано)
Мурожаат учун: +99897 772-56-37
Изоҳ (0)