Тошкентда ерусти метролари остида савдо ва маиший хизмат кўрсатиш учун бинолар қурилади

Тошкент шаҳар ҳокимлиги тадбиркорларни ерусти метро линиялари остидаги ҳудудлардан фойдаланиш бўйича ҳамкорликка чақирди.

Қайд этилишича, ерусти метро линиялари остидаги фойдаланилмаётган ерларнинг умумий майдони 100 минг квадрат метрни ташкил этиб, унинг камида 50 фоизи тадбиркорлар учун қўшимча даромад нуқтасига айланиши ва шу орқали аҳоли фаровонлиги, ҳудудлардан фойдаланиш самарадорлигини оширишга хизмат қилиши мумкин.

Бундан ташқари, ушбу биноларни сотиб олиш ёки ижараси нархи турар жой мажмуаларининг биринчи қаватларидаги нотураржой объектларига нисбатан анча ҳамёнбоп. Илгари бу жойларда болалар ўйин майдончалари, сайр қилиш учун ҳудудлар яратилган бўлиб, улар болалар, уларнинг оналари ва бувиларининг севимли масканига айланган эди. Қиш фасли яқинлашаётгани муносабати билан кейинчалик уларда жойлашган дўконлар, қаҳвахоналар ва ўйин майдончаларига туташ ҳудудлар аҳолиси учун яна бир қулай масканга айланиши кутилмоқда.

Синов тариқасида ўтган йилнинг ўрталарида 2-метро бекати яқинида тижорат бинолари очилган. Лойиҳа муваффақиятли амалга оширилгач, уни 3 ва 4-станциялар оралиғида — аҳоли зичроқ жойлашган ҳудудларда амалга оширишга қарор қилинди.

Кейинчалик, биринчи босқичда “Роҳат” айланма йўлигача, иккинчи босқичда эса “Роҳат” айланма йўлидан “Қўйлиқ” бозоригача бўлган объектлар ташкил этиш режалаштирилган.

Албатта, биз бундай иш суръати нормал эмаслигини тушунамиз, тезкор иш суръати маҳаллий аҳоли учун келтириладиган ноқулайликлар давомийлигини қисқартириш ва ушбу мавсумда қулай об-ҳаво шароитидан фойдаланиш истаги билан изоҳланади. Бу борада шаҳар ва туман ҳокимликлари бошлаган ишни тезроқ ниҳоясига етказиш учун бирлашди, — дейилади хабарда.

Вазиятдан ва ушбу объектларга бўлган катта қизиқишдан фойдаланган ҳолда, ҳокимликнинг Инвестиция бошқармаси манфаатдор шахсларга ушбу жойларни ижарага олиш имконияти ҳақида маълум қилади. Мурожаат учун телефон рақами: 71-210-02-50.

Эслатиб ўтамиз, 2021 йилнинг октябрида президент Шавкат Мирзиёев “Тошкент метрополитени фаолиятининг самарадорлигини ошириш чора-тадбирлари тўғрисида”ги қарорни имзолаганди. Унга кўра, Тошкентдаги 6 та метро бекати атрофида автотураргоҳлар ташкил этилиши белгиланган.