Исроил ҳукуматининг Ғазо секторида ҳарбий амалиёт ўтказиш учун сарфлаган харажатлари 48 миллиард долларга етади. Бу ҳақда Leader Cаpital Маrket консалтинг компанияси маълумотларига таяниб, Bloomberg хабар берди.
Хабарга кўра, конфликт “мамлакат бюджетига 2023 ва 2024 йилларда тахминан 180 миллиард шекел (48 миллиард доллар) зарар келтиради”. Бу ҳолда Исроил “умумий харажатларнинг учдан икки қисмини ўз зиммасига олади, қолганини эса АҚШ тўлайди”.
Bloomberg Исроил Молия вазирлиги маълумотларига таяниб аниқлик киритишича, ҳарбий ҳаракатлар давом этиши мамлакат бюджетига кунига 270 миллион долларга тушади.
“Биз бир неча ойлик жангларни ўз ичига олган асосий сценарий бўйича ҳаракат қилмоқдамиз. Биз Исроил давлатини ҳозирги конфликтдан ҳам экстремалроқ вазиятларда ҳам молиялашга қодирмиз”, — дейди Исроил Молия вазирлигининг бош ҳисобчиси Яли Ротенберг.
Аввалроқ Исроилнинг Cалcалист иқтисодий газетаси Исроилнинг Ғазо секторидаги операцияси, агар жанговар ҳаракатлар 2024 йил охиригача якунланса, энг оптимистик ҳисоб-китобларга кўра, 200 миллиард шекел (тахминан 54 миллиард доллар)га тушиши ҳақида хабар берганди.
Изоҳ (0)