Исроил разведка агентлиги Моссад Фаластиннинг ҲАМАС гуруҳи етакчиларини таъқиб қилиш бўйича буйруқ олди. Бу ҳақда Исроил бош вазири Биньямин Нетаньяхуга таяниб, The Jerusalem Post хабар берди.
“Мен Моссадга ҲАМАС етакчиларига қарши улар турган жойда ҳаракат қилишни буюрдим. Бу қийин, аммо тўғри қарор”, — дея Нетаняху Исроил уларни Ғазодан ташқарида, жумладан, Қатарда ҳам нишонга олиши мумкинлигига ишора қилди.
У Исроил армияси жанговар ҳаракатлардаги пауза вақтида ҲАМАС етакчиларини ўлдиришга ҳаракат қиладими ёки у тугагунга қадар ўз саъй-ҳаракатларини тўхтатадими, деган саволларни четлаб ўтди.
“Биз барча мақсадларимизга эришмагунимизча уруш давом этади: барча гаровга олинганларни қайтарамиз, ҲАМАСни йўқ қиламиз ва эртаси куни ҲАМАСни қўллаб-қувватловчи, фарзандларини терроризм учун тарбиялаётган ва террорчиларга ёки уларнинг оилаларига маош тўлаётган ҳеч бир элемент Ғазони назорат қила олмайди”, — деди у.
Нетаняхунинг сўзларига кўра, Ғазо энди Исроил учун таҳдидга айланмайди, сектор жануби ва шимолида ҳам хавфсизлик тикланади.
Изоҳ (0)