Тошкент шаҳрида 21 ноябрь куни Президент соврини учун ўтказилган “Хорижий тилларни ўқитиш бўйича энг яхши мактаб” танловининг Республика босқичида иштирок 70 нафар ўқувчи ва 14 нафар ўқитувчи Буюк Британияга таълим саёҳатига жўнаб кетди. Бу ҳақда “Дарё” мухбири хабар бермоқда.
Ўқитувчи ва ўқувчилар 21—28 ноябрь кунлари Буюк Британияда бўлади. Мазкур саёҳатлари давомида Англия таълим жараёнлари, жумладан, Ардмор тил ўргатиш мактаби, Кембриж, Оксфорд университетлари фаолияти билан яқиндан танишади. Кембриж, Лондон, Виндзор, Оксфорд шаҳарлари, Темза дарёси бўйлаб саёҳат қилади.
Инглиз тенгдошлари билан ўтказиладиган турли учрашувлар, Буюк Британия маданияти ва тарихи билан боғлиқ тадбирларда иштирок этишади.
Маълумот учун: “Хорижий тилларни ўқитиш бўйича энг яхши мактаб” танловининг Республика босқичи якуний натижаларига кўра:
- Наманган вилояти, Наманган шаҳридаги 7-мактаб жамоаси 1-ўринни (500 миллион сўм);
- Тошкент шаҳри, Яшнобод туманидаги 145-мактаб жамоаси 2-ўринни (400 миллион сўм);
- Бухоро вилояти, Бухоро туманидаги 1-мактаб жамоаси 3-ўринни (300 миллион сўм) эгаллаган.
Изоҳ (0)