EF (Education First) компанияси томонидан тузилган инглиз тилини билиш даражаси индексида Ўзбекистон 113 та ўриндан 93-ўринни эгаллади. Дунё бўйлаб 2,2 миллион иштирокчини қамраб олган тадқиқот 2023 йилда ўтказилган EF Standard English Теst бепул онлайн тил тести натижаларига асосланган.
Эътиборлиси, Ўзбекистон 2022 йилги рейтингга нисбатан тўрт поғонага пастлаган. Ҳисоботда тилларни билиш даражаси Фарғона ва Андижон вилоятларида айниқса пастлиги, энг паст кўрсаткич республиканинг қолган барча вилоят ва шаҳарларида ҳам қайд этилгани таъкидланган.
“Марказий Осиёда инглиз тилини билиш даражаси паст ва барқарор, деярли барча мамлакатларда эркаклар фойдасига гендер фарқи ўртачадан юқори”, — деб хулоса қилинади ҳисоботда.
Марказий Осиё давлатлари рейтингда қуйидаги ўринларни эгаллаган:
- Қирғизистон 90-ўрин;
- Қозоғистон 104-ўрин;.
- Тожикистон 112-ўрин.
Туркманистон эса рўйхатда акс этмаган. Афғонистон рейтинги Марказий Осиёнинг барча давлатларидан яхшироқ бўлиб, 88-ўринни ташкил қилган. Барча Марказий Осиё давлатлари орасида фақат Қирғизистон ва Афғонистонда ижобий, бошқа давлатларда эса салбий тенденция кузатилган.
Инглиз тилини билиш даражаси бўйича етакчилик қилган давлатлар қаторига Нидерландия, Сингапур ва Австрия жой олган. Рўйхатни Конго Демократик Республикаси якунлаб, энг паст ўринни эгаллаган.
Изоҳ (0)