Конго Республикасининг пойтахти Браззавилда армияга ёллаш тадбири олдидан стадионда юз берган тиқилинч оқибатида 40 га яқин киши ҳалок бўлди ва яна кўплаб одамлар жароҳат олди.
Бу ҳақда Les Echos du Congo Brazzaville портали ҳукумат баёнотига таяниб хабар берди.
“Фожиа Орнано стадионида 20 ноябрдан 21 ноябрга ўтар кечаси содир бўлган. Фавқулодда вазиятлар хизматининг дастлабки маълумотларига кўра, 37 киши ҳалок бўлган, кўплаб одамлар жароҳатланган”, — дейилади ҳукумат хабарида.
Портал маълумотларига кўра, стадионда армияга чақирув бўйича тадбирлар ўтказилган, ўрин чеклангани сабабли стадионга кириш учун кўплаб номзодлар саф тортган. Конго Республикаси армиясига ёллаш шартнома асосида амалга оширилади, ҳарбий хизмат Конго ёшлари орасида жуда машҳур.
Изоҳ (0)