Конгода ҳарбий ота ўғлининг дафн маросимига келган одамларни отиб ташлади. Ўққа тутилганлар орасида 10 нафар бола ҳам бор. Бу ҳақда L’interview.cd хабар берди.
Ҳодиса 22 июль Итури провинциясидаги Чомия қишлоғида содир этилган. Эркакнинг мақсади номаълумлигича қолмоқда, гувоҳларнинг таъкидлашича, ота йўқлигида вафот этган ўғлининг ўлими учун қасос олган. Бола неча ёшда экани аниқланмаган.
Отишмадан сўнг эркак қочиб кетган, қидирув гуруҳлари уни изламоқда. Воқеа юзасидан суриштирув ишлари бошланган, жиноят сабаблари эса номаълум.
Қишлоқ раҳбари Оскар Барака Мугуванинг айтишича, отишмада 13 киши, жумладан, ўн нафар бола ҳалок бўлган. Ҳарбийнинг қуролсиз одамларни ўққа тутишига нима сабаб бўлгани аниқ эмас. Мугуванинг сўзларига кўра, ота фарзанди усиз дафн этилиши мумкинлигидан хавотирланган.
Изоҳ (0)