Исроил армияси ва ҲАМАС ўртасида ўт очиш вақтинчалик тўхтатилиши эълон қилинди.
“Ал Шарк” газетасининг хабар беришича, ўт очишни тўхтатиш бўйича келишув 5 кун давом этади.
ҲАМАС Исроил қамоқхоналаридаги 30 нафар фаластинлик маҳбус эвазига ҳар куни 10 нафардан гаровга олинганларни озод қилишга рози бўлди.
Ўз навбатида, Исроил Ғазо секторида қамалда қолган аҳолига инсонпарварлик ёрдамини етказиш учун кунига 100 дан 300 тагача юк машинасига рухсат беришга рози бўлди.
Jerusalem Post газетаси исроиллик расмийга таяниб хабар қилишича, жами гаровга олинган 53 нафар исроиллик , жумладан, 40 нафар бола ва 13 нафар аёл озод этилади.
CNN аввалроқ гаровдагиларни озод қилиш бўйича томонлар ўртасида 21 ноябрь куни келишувга эришилиши мумкинлиги ҳақида хабар берган эди. Бироқ телеканал ўт очишни тўхтатиш шарти сифатида гаровга олинган 50 нафар инсон, жумладан, аёллар ва болалар 3 нафар фаластинлик маҳбус эвазига озод қилинишини маълум қилди.
Исроил расмийларига кўра, ҲАМАС 240-250 кишини гаровда ушлаб турибди. Булар асосан Исроил фуқаролари.
Изоҳ (0)