Аргентинанинг янги президенти Хавьер Милей давлатга тегишли Telam янгиликлар агентлиги, TV Publica телеканали ва Radio Nacional радиостанциясини хусусий секторга сотиб юбормоқчи эканини маълум қилди.
“Пропаганда вазирлигининг йўналишига амал қилмайман… TV Публиcа пропаганда механизмига айланиб қолди деб ҳисоблаймиз”, — дейди у.
Шунингдек, Милей ЙПФ нефть-газ компанияси ҳамда Аэролинеас Аргентинас йирик авиаташувчисини ҳам хусусий секторга сотиб йбуоришни режалаштирмоқда.
“Хусусий сектор қўлида бўлиши мумкин бўлган нарсаларнинг барчаси уларга ўтади”, — дея қўшимча қилади янги президент.
Милей 19 ноябрь куни ўтказилган президентлик сайловининг якуний турида ғалаба қозонди. Унинг рақиби ҳукмрон коалициядан номзод ва амалдаги иқтисодиёт вазири Серхио Масса эди. Милей олдинроқ Марказий банкни тарқатиб юбориш, долларга ўтиш, Хитой ва Бразилиядаги “коммунистлар” билан алоқаларни узиш ҳамда Аргентинанинг БРИКСга қўшилиш бўйича аризасини қайтариб олиш билан таҳдид қилганди.
Октябрь охирларида Аргентинада президентлик сайловларидан кейин санаб чиқилган бюллетенларнинг 76 фоизи натижаларига кўра, ҳукмрон Аргентина коалициясидан номзод, иқтисодиёт вазири Серхио Масса 35,8 фоиз овоз олганди; унга энг яқин рақиб, депутат Хавьер Милей эса 30,5 фоиз.
Изоҳ (0)