Украинага ҳужумдан олдин Россия президенти Владимир Путин ўзининг 100 миллион долларлик (75 миллион фунт стерлинг) Graceful суперяхтасини Гамбургдаги немис кемасозлик заводидан Россияга олиб ўтди. Бу ҳақда Тhe Guardian хабар берди.
Мухолифатчи Алексей Навалний томонидан тузилган Россия коррупцияга қарши кураш ташкилоти Путин Украинага ҳужумдан бир неча ҳафта олдин яхтани Россияга зудлик билан олиб ўтишни буюрганини аниқлади.
“Путин 82 метрли Graceful суперяхтасини 2022 йил 1 февралгача 32 миллион долларга таъмирланаётган Гамбургдаги кемасозлик заводидан зудлик билан олиб кетишни буюрган”, — дейилади тегишли суриштирувда.
Кема 7 февраль куни Гамбургдан Россиянинг Калининград шаҳрига олиб кетилган. 23 февраль куни эса Путин Украинага “махсус ҳарбий операция” бошлашга буйруқ берган.
Босқиндан буён АҚШ, Буюк Британия ва Европа Иттифоқи Россияга тегишли хориждаги активларга санкциялар киритган ва бутун дунё бўйлаб рус олигархларига тегишли ўнлаб суперяхталарни мусодара қилган.
АҚШ ҳукуматининг Хорижий активларни назорат қилиш бошқармаси Gracefulни “президент Владимир Путин манфаатдор бўлган блокировка қилинган мулк” деб атайди.
.jpg)
Блоҳм+Voss Гамбург кемасозлик заводига 2022 йил 19 январда юборилган электрон почта хабарида шундай дейилган:
“Яхта эгаси Graceful 1 февралда Россияга етказилишини хоҳлайди. Илтимос, 2 сменадаги экипажни сафарбар қилинг. Gracefulънинг 1 февралда кетишига халақит берадиган барча ишларни тезлаштиринг. Эгаси модернизациядан, таъмирлаш жараёнидаги кечикишлардан мамнун эмас”, — дейилади Россиянинг энг йирик юк ташиш компанияси “Sovcomflot” компаниялар гуруҳидан келган хатда.
Таъмирлаш иши бир йилдан ортиқ давом этиши кутилган эди. Электрон почта хабарларининг мазмуни россиялик тадқиқотчи журналист Мария Певчихнинг суриштирувида очиқланган. Певчих Навалний томонидан ташкил этилган коррупцияга қарши кураш жамғармасига раҳбарлик қилади.
“Мамлакатнинг ярми урушга сафарбар қилинганлар учун ички кийим ва пайпоқ учун пул йиғишга, хандақ шамларини ясашга мажбур бўлмоқда. Урушни бошлаган одам эса ўз яхтасини таъмирлаш ва сотиб олиш учун фақат 3 миллиард рубль сарфлайди”, — дейилади унинг суриштирувида.
Путиннинг яхталари
Рақс майдончасига айлантирилиши мумкин бўлган 15 метрли ёпиқ ҳовузга эга, шунингдек, “Касатка” код номи билан аталган Graceful Путин билан боғлиқ бўлган бир нечта суперяхталардан биридир.
Путиннинг энг катта суперяхтаси 1 700 миллион долларлик “Шаҳризода” Италиянинг Марина ди-Каррара портида таъмирланаётган пайт ҳибсга олинган. АҚШ Россия президенти “Олймпиа” деб номланган 22 миллион долларлик кичик суперяхтага эгалик қилишини ҳам маълум қилган.
Изоҳ (0)