Футбол бўйича Россия терма жамоаси собиқ бош мураббийи Юрий Сёмин ўзбекистонлик футболчи Аббосбек Файзуллаев ҳақида ўз фикрларини билдирди.
“Жорий мавсум РПЛнинг биринчи даврасининг кашфиёти ким бўлди? Менга Аббосбек Файзуллаевнинг ўйини жуда ёқди.
У чемпионатнинг биринчи қисмини ажойиб ўтказди. Унинг келажаги порлоқ, жуда ақлли ўйинчи”, — дейди Сёмин.
Аббосбек 2023/24 йилги мавсум Россия Премьер Лигаси ва Россия Кубогида 14 та ўйин ўтказиб, битта гол ва 6 та голли узатмага муаллифлик қилди. 20 ёшли футболчи РПЛда кетма-кет икки марта ойнинг энг яхши футболчиси деб топилди.
Файзуллаевнинг “ЦСКА” билан шартномаси 2026 йилгача мўлжалланган.
Изоҳ (0)