Франция пойтахти Парижда 24-25 апрель кунлари Туркманистон энергетика соҳасига хорижий сармояларни жалб қилиш бўйича халқаро форум бўлиб ўтади. Бу ҳақда тадбир ташкилотчилари — “Туркмангаз”, “Туркманнефть” концерни ва “Туркменгеология” давлат корпорацияси маълум қилди.
Тадбирдан мақсад Туркманистон энергетика саноатининг барча соҳаларига тўғридан-тўғри хорижий инвестицияларни жалб қилишни кенгайтиришдир. Форум давомида нефть ва газни қазиб олиш, ташиш ва қайта ишлаш соҳасидаги ҳамкорлик истиқболлари муҳокама қилинади.
Мутахассисларнинг “Дарё”га маълум қилишича, Каспий денгизи миллий секторининг нефть ва газ ресурсларини ўзлаштириш учун хорижий инвесторлар таклиф қилинмоқда. Кун тартибидан энергетика йўналишларини диверсификация қилиш, газ-кимё саноатини ривожлантириш, йирик Галкиниш газ конини ўзлаштириш ва маҳаллий иқтисодиётни яшил энергияга ўтказиш масалалари ҳам бор.
Азиз Бояров
Изоҳ (0)