Хитой божхона бош бошқармаси 2023 йилнинг январь август ойларида Туркманистон Хитойга 6,63 миллиард долларлик табиий газ етказиб бергани, бу ўтган йилга нисбатан 5 фоизга кўплигини маълум қилди.

Кейинги ўринларни Россия, Мянма, Қозоғистон эгаллаган. Ўзбекистон бешинчи ўринни қайд этган: етказиб бериш 40 фоизга қисқариб, 370,57 миллион долларни ташкил қилган.

Хитой туркман газини учта кондан — “Бахтиёрлик”, Малай ва “Галкиниш”дан олади.

2009 йилнинг декабрь ойидан Ўзбекистон ва Қозоғистон ҳудудидан ўтадиган газ қувури қурилиши тугаганидан сўнг Хитойга етказиб бериш амалга оширилмоқда.

Айни пайтда газ қувурининг Ўзбекистон, Тожикистон ва Қирғизистон орқали тўртинчи тармоғини қуриш бўйича музокаралар олиб борилмоқда. Янги лойиҳа Туркманистондан йиллик газ етказиб беришни ҳозирги 40 миллиард кубометрдан йилига 65 миллиард кубометргача ошириши мумкин.

Азиз Бояров