“Гарри Поттер” франшизаси мухлислари учун ажойиб янгилик: Airbnb платформасида Хагриднинг кулбаси ижарага берила бошланди. Кулба шарқий Англияда, Йоркшир графлигидаги Ливертон қишлоғи яқинида жойлашган.
Ўрмон уйи ташқи томони тош билан қопланган учта алоҳида бинодан иборат бўлиб, унга готика услубидаги деразалар ўрнатилган. Уй эшикларининг атрофи фонуслар билан ёритилади, даланинг қоқ ўртасида жойлашган коттеждан шу ердаги соҳил кўриниб туради.
Кулбанинг ижара нархи мижоз банд қилган санадан келиб чиқиб белгиланади. Бир сутка учун ўртача ижара нархи – 280 долларни ташкил этади.
Уй ичида меҳмонхона, ётоқхона, ваннахона ва ошхона жойлашган. Саргузашт ишқибозлари бу ерда ўзларини “Гарри Поттер” фильми ичига тушиб қолгандек ҳис қилишади.
Изоҳ (0)