Бир неча кун аввал Marvel кинематография коинотининг айни вақтдаги ҳолатига доир янги ҳисобот эълон қилинди. Унда мухлисларнинг компания томонидан тақдим этилган сўнгги фильмлар ҳақидаги фикрлари жамланган.
Ҳисоботга кўра, компания томонидан ишланган сўнгги фильмларнинг касса йиғимлари кескин камайиб кетган. Бри Ларсон иштирокидаги “Капитан Marvel” картинаси келтирган даромад “Доктор Стренж: Телбалик мултикоинотида” фильмига нисбатан 100 миллион долларга кам бўлган. “Доктор Стренж: Телбалик мултикоинотида” фильми намойишлар ортидан 185 миллион доллар даромад келтирган эди.
Ҳисоботда шунингдек, компаниянинг сўнгги фильмларидаги айрим визуал эффектлар томошабинларни ҳайратга сололмагани ҳам қайд этилган.
“Чумоли одам ва Ари: Квантомания” фильмида компьютер графикаси ишлатилган саҳналардан бири тақдимот вақтида мухлисларни шунчаки лол қолдирган.
“Фильмда визуал эффектлар сўнгги лаҳзаларда қўшиб қўйилган ва диққатни торта олмаган ўндан ортиқ саҳна бор эди. Бунга ишониб бўлмайди. Мен ўз фаолиятим давомида бунақасини кўрмаганман. Бу ҳақида ҳамма гапирди. Ҳаттоки, раҳбарларнинг фарзандлари ҳам шу саҳнани муҳокама қилишди”, – дейди инсайдерлардан бири.
Буларнинг барчаси Marvel компанияси учун муаммоларни келтириб чиқариши турган гап. Компания вакиллари камчиликларни бартараф этиш ва мухлислар ишончини қайтадан қозонишга астойдил ҳаракат қилмоқдалар. Компания ҳар доим визуал эффектлар борасида етакчилардан бири бўлган. Marvel киностудиялар ўртасидаги рақобат кучли эканлигидан келиб чиққан ҳолда ўз позисиясини қайта тиклаш ва мухлислар эътиборини қайтадан қозониш учун ҳаракатни бошлаб юборган.
Таъкидлаш керакки, компания фильмлари кино томошабинлари орасида ҳалигача машҳур ва катта аудиторияга эга. Айрим мураккабликларга қарамай, компания мухлисларни ажойиб ҳикоялар ва жасур қаҳрамонлар билан қувонтиришда давом этиб келмоқда. Шу ўринда киностудиянинг оламшумул муваффақияти ва Marvel коинотининг замонавий маданиятга катта таъсир кўрсатишини тан олмаслик мумкин эмас.
Изоҳ (0)